بيت بابا ولقيت بابا اول لما فتح الشقه بيقولي
الاب _ اهلا اهلا ب ست العرايس اي ده هو انتي
جايه ب ايدك فاضيه مش هاين تجيبي معاكي
حاجه ولا اي
ندي _ انا عايزه اطلق يا بابا وانا سبت بيت مصطفى خلاص
الاب _ نعم يا روح امك بتقولي ايه ومين قالك بقى ان انا هفتحلك بيتي لو انتي اتطلقتي
ندي – هو انا مش بنتك ان ما بصعبش عليك حرام عليك الطريقه اللي انت بتعاملني بيها دي بجد انت ما تعرفش انا عايشه ازاي في البيت ده
الاب _ عايشه ازاي يا اختي ما انتي قاعده تاكلي تشربي نايمه ببلاش بقولك ايه يا بنت انتي انا معنديش كلمه طلاق دي
ندي _مش عارفه اقولك غير حسبي الله ونعم الوكيل فيك _ وبعدها سبته ومشيت ورجعت
شقتي ولقيت الباب بيخبط وفتحت وكانت دعاء
دعاء _ ايه يا سنيوره خرجت من غير ما تاخدي اذني ليه ان شاء الله هو مش حمايا قالك ان البيت ماشي بشورتي انا
ندي _ عايزه ايه مني يادعاء ارجوكي سيبيني في حالي
دعاء _ والله انتث ليكي راجل يترد عليه لما يجي اشوف لما يعرف انك خرجت من غير اذنه كنت فين وبتعملي ايه
ندي _اللي عايزه تقولي قولي خلاص انا زهقت
وهي مشيت وانا دخلت ولقيت تلفوني بيرن
ندي _ الو ايوه مين معايا
اسلام _ معقوله بسرعه كده مسحتي رقمي من عندك انا اسلام
ندي _ اسلام انا ست متجوزه دلوقتي وما ينفعش ان حد يكلمني ارجوك ما تتصلش بيا