خرجت الدكتورة وقالت: متقلقش هي كويسة بس ضغطها وطي خلي بالك منها واضح انها ضعيفة ومش بتاكل كويس ومحتاجة الراحة انا علقتلها محاليل ولازم تفضل في انهاردة في المستشفي
حمزة: تمام يا دكتور ممكن ادخلها
الدكتور: تمام اتفضل بس متطولش كتير
حمزة دخلها وكانت نايمة فضل يتأمل في ملامحها شوية بعدين لاقاها فتحت عينيها
حمزة بلهفة: انتي كويسة خضتيني عليكي
سها: انا الحمدلله مش عارفة فجأة محستش بنفسي
حمزة: الدكتور قالت انك مش بتأكلي كويس يا هانم ليه بقا ان شاءالله
سها: انا فعلا نزلت انهاردة متأخر وكان ورايا كذا محاضرة
ملحقتش افطر وبعدين خلصت وجيت عالشغل علطول ونسيت اكل
حمزة: طيب يا ستي بكرة انتي اجازة من الشغل وكمان اجازة من الكلية ومش عاوز اسمع ولا كلمة خرج الموضوع من ايدي ولا هتعترضي علي كلام المدير
سها ضحكت علي طريقته: وانا مقدرش اقول للمدير حاجة احسن يرفدني أصله صعب اوي