ليل بتجاهل :تصبحي ع خير
ميرفت بغضب :هي بقت كدا يا ليل مش معبرني وبتتجاهل كلامي ماااشي
***
ليل دخل لاقي كاميليا قاعده وحاطه وشها بين ايدها كأنها بتعيط
ليل نفخ بضيق ودخل الحمام ورزع الباب وراه بغضب
كاميليا انتفضت ع أثر صوت رزع الباب
قامت مسحت دموعها :يارب يكون كويس يارب
قعدت تدعي ليه كتير وكل ما تفتكر منظره بتبقى عاوزه تعيط وهي حاسه بالذنب انه كان ممكن يموت بسببها وكل ال حصله بسببها هي بس وهي مش قادره تدافع عنه حتى
خوفها من ليل كان أكبر بكتير خصوصا بعد ما شافت الجانب المظلم منه
قعدت تفكر كتير ازاي ممكن توصله شافت تليفون ليل ع الكومودينو برا
راحت بسرعه ناحيه الحمام سمعت صوت الميه لسه شغاله حاولت تفتح التليفون كتير بس معرفتش لانه كان بباسورد
كاميليا :طب هعمل ايه انا حتى مش عارفه تاريخ عيد ميلاده ولا اي حاجه
ملقتش قدامها اي حل غير انها تفتحه بالبصمه
واقفه عندك بتعملي ايه
جاء صوته الرجولي من خلفها لترتعد مكانها
كاميليا بتوتر :م مافيش مكنتش بعمل حاجه
وزقت التليفون مكانه بسرعه من غير ما ياخد باله
ليل بص لها بشك وراح يلبس هدومه
كاميليا زفرت براحه وراحت دخلت الحمام تاخد شاور يمكن تفوق