ميرفت : كنت فين من الصبح يا ليل وسايب البيت هنا يضرب يقلب
ليل : بعدين يا ميرفت هانم نبقي نتكلم في الموضوع دا… انا راجع تعبان ومش عاوز اسمع تفاهات ولا كلام فارغ الوقتي…
ميرفت : شوف الأول مراتك ال واخده جدتها في ايدها وعاوزه تسيب الفيلا وتمشي من دماغها ولا كانها متجوزه راجل ليه كلمه عليها…
الي هنا وتخلت كوثر عن صمتها لتتحدث بغضب : انا ال واخده حفيدتي وماشيه من هنا…. كفايه ال حصل اوي ولحد هنا وكفايه مش هسمح انكوا تتمادوا معاها والمسخره دي تكبر اكتر من كدا
ثم تطلعت ل ليل الواقف امامها بحده : واظن جانبك عارف انا بتكلم عن ايه كويس
ليل مسح جانب حاجبه بخفه وهو يحاول ان يزن ويستوعب ما قالته والدته ورد ميرفت عليه للتو : لا الحقيقه جانبي مش عارف حاجه… ممكن توضحي اكتر
كاميليا بتوتر : خلاص ي تيته… خلينا نمشي من غير مشاكل
صاح بها بحده امام الجميع : تمشي تروحي فيييين ان شاء الله؟؟؟ مين سمحلك اصلا انك تخرجي من هنا؟؟؟ ولا انتي ماشيه بدماغك دي لوحدك
توترت ميرفت من صريخ ليل ولكنها نظرت اليها بانتصار وبابتسامه صفراء ف هدفها يتحقق الان دون اي مجهود يذكر منها