خرج المدير من غرفته وهو ينظر لها بتعجب قائلاً : مروحتيش تاخدى بريك ليه يا ونس
وقفت بسرعة قائلة : معلش أصل انا ورايا شغل عايزة أخلصه
= براحتك مع أن ربع ساعة بريك مش هتضر يعنى
هزت ونس رأسها و ذهب المدير و ظلت مكانها قائلة : الحياة هتضحكلك أمتى يا ونس
____________________________
فى منزل ونس
كانت والدتها تضع الطعام على المائدة حتى يتناولوا الغداء
قالت والدتها إلى أختها : قومى صحى أبوكى علشان يفطر ماهو نايم هو كمان لغاية العصر ولا حاسس بحاجة
ذهبت تلك الفتاة و التى تدعى نور لتيقظ أبيها الذى خرج بعدها بعدة دقائق قائلاً وهو يجلس على الطاولة : امال ونس فين هى لسه فى الشغل
تركت والدتها الملعقة بغضب و قالت : أسكت متجبليش سيرتها دى فضحانا فى كل حتة جاتها الهم
قالت نور وهى تقلب فى طبقها : المفروض تخلوها تروح لدكتور و تعمل تكميم معدة خلينا نخلص من القرف ده
ده أنا صاحباتى مسمينها فيلة هانم
هى مش شايفة شكلها ولا أيه ؟
____________________________
كانت منغمسة فى عملها بينما سمعت همهمات إحدى زميلاتها فى العمل تقول : عايزة أمشى بدرى النهاردة و لسه فاضلى شيفت كمان ده الواحد زهقان بشكل مش طبيعى