وضعت يمنى الأوراق جانبًا وقالت: اتفضل يا بابا
صمت لوهله لا يدري من أين يبدأ حديثه: هي سلمى عامله ايه؟
يمنى بتعجب: كويسه!
عبد الله: خلصت امتحانات؟
يمنى: هتخلص النهارده! حضرتك بتسأل ليه؟
عبد الله: أنا… أنا عرفت حقيقة الموضوع، صحيح مر فتره طويله بس ربنا كشفلي كل حاجه…
يمنى: ما أنا قولت لحضرتك…. سلمى لا يمكن تعمل كدا! ها بقا اكتشفت ايه! وازاي احكيلي…
– سلمى في خطر…. هحكيلك
فلاش باك
وصل عبد الله المطعم في غير ساعات عمله فرأى أحمد يقف مع شخص يدل من مظهره أنه يتعاطى المخد.رات وقا.تل محترف يتضح عليه معالم الإجر.ام، توارى خلف الحائط كي لا يراه أحمد وحتى يستطيع سماع ما يقول…
أحمدبغضب: قولتلك متجيليش هنا يا غبي!
-أنا مأخدتش باقي حساب الصور… ولو موصلنيش باقي الحساب مش هكمل الشغلانه دي
أخرج أحمد بعض الأموال من جيبه: خد دول الي معايا دلوقتي… البت ميحصلهاش أي حاجه، تجيبهالي سليمه الأول عشان عايزها وبعدين هقولك تعمل ايه