-عايزك تيجي معايا من سُكات وبدون شوشره
-ولو مجتش هتعمل إيه!! إيه أسوء حاجه ممكن تحصل للإنسان؟ يموت… يتق.تل…
أردفت بدموع وشهقات: طيب ياريت… أكيد ربنا رحيم هيكون أحن عليا من العالم دا… هروح أشتكيله من ظلمكم… ومن قسوة قلوب الناس
انخرطت في بكاء عميق بينما الرجل يمسكها من ذراعها ويحاول سحبها لتركب السياره وهي تحاول الإفلات منه، لا يرى ذالك الذي يراقب كلامها وكلامه منذ قليل، اتجه سليم نحوهم وضربه حتى وقع أرضًا يتأوه من شدة اللكمات، أردف سليم بغضب:
-أنا حذرتك وقولتلك متقربش منها
مسكه من ياقته بعنف وقال: أنا بقا هحبسك عشان تبطل تمشي وراها
أما هي فتقف جوار سليم تسمع توسلات الرجل إليه بأن يتركه ولن يعترض طريقها مرة أخرى فأردفت: أرجوك سيبه أنا مش عايزه مشاكل أكتر من كدا… خلاص هو هيسيبني في حالي
وما أن أفلته حتى هرب الرجل فهو مسجل خطر وإن دخل إلى مخفر الشرطه فلن يطلقوا سراحه إلا على قبره.
قال سليم وهو ينظر لعينيها كأنه يتفحص ما بداخلهما
-إيه الي أخرك بره البيت كدا! العشاء أذنت من بدري وإنتِ لسه بره..
أجابت بتلعثم: أصل أنا…. أنا… همشي خلاص أهوه
-طيب يلا هوصلك