تلعثم أحمد: ك…كنت بدور على الحمام
هز سليم رأسه بشك أكبر من تلعثم أحمد وقال:
– أهاااا قولتلي الحمام!!…. طيب اتفضل يا أحمد روح دور على الحمام.
غادر أحمد لكن قبل انصرافه نظر لسلمى كأنه يحذرها بعينيه… لاحظ سليم كل هذا فنظر لسلمى: ضايقك؟!
لم ترد عليه ونظرت أرضًا تفكر هل تقول له الحقيقه أم تنكر حتى لا تفتح باب عداوة جديد وهي في غنى عنه؟! لكن باب العداوة قد انفتح على مسرعيه منذ زمن بعيد!
-ردي يا سلمى لو سمحتي… ضايقك؟
حسمت أمرها وهزت رأسها للأسفل بدموع أي نعم، قبض سليم يده من شدة الغضب قائلًا: طيب تعالي معايا…
لحق سليم بأحمد مهرولًا وهو ينادي عليه، رفع سبابته في وجهه محذرًا: متقربش منها تاني فاهم
-اي الي بتقوله دا يا سليم وأنا هقرب منها ليه! إنت عارفني كويس أنا صاحبك من زمان
-أيوه وعشان كدا بقولك متقربش منها تاني أنا عارف إنك بتاع بنات وكنت بقول بكره يعقل بس الظاهر بكره مبيجيش…
-طيب ايه رأيك بقا إن هي الي بتحاول معايا من أول يوم وأنا بصدها و…
وفي المقابل كانت تشير بيدها وتهز رأسها بعنف أثر كلماته، قاطعه سليم بلكمه على وجهه قائلًا بغضب: كلمه كمان عليها ومش هيحصل كويس
أردف سليم وهو ينظر لعينه بغضب ويضغط على كل حرف بجملته: متقربش منها تاني
انصرف من أمامه وبجواره سلمى الخائفه من ردة فعل أحمد، أما أحمد فوضع يده على مكان الضربه متوجعًا وقال بغضب: ماشي أنا هوريك…ِ