نزلت من التله جوايه آمل وقررت اعمل مخاطره وأمر من جوار ارض النمورين وممكن هناك اسمع او اشوف دليل يثبت انهم نقضو المعاهده
قربت من بيوت النمورين وعلى عكس العاده مكنش فيه حراسه ولا كتايب استطلاع
وعرفت ان فيه حاجه خطيره لما قربت اكتر وشفت ججث0ة واحد من النمورين ميته
وجثه تانيه وتالته
وفجأه اول ما وصلت لقيت جثث كتير جدا من النمورين مرميه فى كل مكان ممزقه
زى ما تكون منطقتهم تعرضت لغاره، مذبحه كبيره جدا
حسيت بخطر كبير وركضت بعيد عن بيوت النمورين برعب لكن قبل ما أبعد قابلتنى كتيبه من قطيع الذئاب
حاولت اختفى، ابعد معرفتش، القطيع حاوطنى
وخرج رعد سيد الذئاب عدوى القديم وقال اهلا ادم
كشرت عن انيايى وحاولت أبعدهم عنى، رعد قال مفيش فايده من المقاومه انت عارف اننا نقدر نقتلك دلوقتى حالا متطرنيش اقتلك؟
رعد كان بيقول الحقيقه
قلت مش وقت الكلام ده يا رعد فيه حاجه مهمه حصلت لازم كل القطيع يعرفها