اردا قعد على المقعد وباكو فى حضنه، اردا ملي على شعر باكو
وقرب من ودنه وهمس ها فيه يا باكو؟ ايه الى حصل هنا؟
دارين حزينه ليه؟
وراح باكو يموء ويموء ويموء واردا يستمع له
خرجت دارين بسرعه شايله صنيه نحاسيه فوقها فنجانين قهوه
حطتهم على المنضده وقعدت
رواية اميرة القصر المجهولة (كاملة جميع الفصول)بقلم اسماعيل موسي
وكانت حاسه جسمها مش على بعضه والخجل مسيطر عليها
حاولت دارين تاخد باكو فى حضنها عشان تطرد الخجل لكن باكو رفض
دارين زعلت وقالت بنبره جديه، مش قلتلك يا باكو كله بيتغير؟
وقلت فى سرى انا لن اتغير، انا اردا، وكل همى ان تجدى سعادتك معى، مع غيرى المهم ان اراكى سعيده مبتسمه
واقسم ان اى كائن يحاول ان ينزع سعادتك ان يناله غضبى
قهوتك لذيذه دارين انا عمرى مشربتش قهوه بالطعامه دى
ابتسمت دارين بخجل، ليه ادم ميكونش كده رقيق ويسمعها كلام تحبه؟
وقالت اشكرك ايه الغريب
ضحك اردا قهققه حتى بانت أسنانه الامعه، انا لست غريب يا عزيزتى انت لا تعرفين انى ابن عمك؟
قال ذلك فى سره وهو ينظر تجاه البحيره
فين التميمه يا دارين؟
سألها اردا وكان يعرف الاجابه لكنه رغب ان يسمعها من فم دارين
وقالت دارين بخجل اديتها لادم، قال انه محتاجها
وصمت اردا، هذا الغبى، المغفل، كل همه مصلحته الشخصيه
يرغب ان يكون قوى
لكن القوه لا تمنحك كل شيء وهذه التميمه لابد أن تعود لدارين
هذه التميمه الجنيه السحريه كانت هديتى لدارين ولابد ان تعود