وسمعت دارين اردا، وفكرت فى سرها هو بيتأمر كده ليه؟
لكن نبرته عجبتها، طريقته استفزتها وفضولها قلها عايز اعرفه اكتر
close
وقالت دارين حاضر
نزلت دارين بسرعه للرواق وقفت قدام المرآيه وبسرعه عدلت مظهرها
قبل ما تفتح باب السياج وتسمح لاردا انه يدخل
وشافت نفسها وهى ماشيه جنبه مبهوره بيه
وحست نفسها مستعده تنفذ اى حاجه يقول عليها
كان ليه سطوه وتأثير كبير على روحها واعماقها
وقال اردا هنقعد هنا فى الحديقه، ممكن قهوه؟
بسرعه قالت دارين حاضر، لحظه بس اجيب الكراسى
وبسرعه جابت منضده ومقعدين وحطتهم قصاد البحيره فى المكان إلى بتحبه
بص عليها اردا بعيونه العميقه الواسعه، فين القهوه؟
لاحظت دارين انها كانت واقفه سارحه بتبص على اردا
جسمها اتنفض وقالت ثوانى وتكون جاهزه