نفين بضحك : انا عشت معاك ٢١ سنة عمرك ما عملتلي حاجة
عمر : جيتي وانتي عندك ٣ سنين دخل بيتنا قمر يومها حسيتك بنتي كان عندي ٧ سنين بس حسيت بجد انك مسؤولة مني
نفين : كنت في ضهري دايما تذاكرني تخرجني تجبلي لبس كنت اخ وسند وضهر انت ليك عندي كتير يا عمر
عمر : انت تستاهلي كل الخير اللي في الدنيا
نفين : كنت تميزني عن خواتك … كنت احس اني مهمة اكتر
عمر : يمكن عشانك اول فرحة ما هو انتي بنتي الأولى والبنت الاولى دايما حبيبة ابوها
نفين بدموع : عمر خليك جمبي دايما يا عمر
عمر بحنان : لحد اخر يوم في عمري يا نفين
نفين : طيب حعيش فين
عمر : بصي في باب هنا بيقفل بيقسم الشقة نصين حيبقى عندك حمام وغرفة وصالة وعندي متلك بس المطبخ مشترك
نفين : حلو اوي انا حنام دلوقتي لاني تعبانة اوي
عمر: نامي وارتاحي وبكرة اخلص كل حاجة… اوعي تخافي وانا موجود
ذهبت لغرفتها وبعد قليل دق عليها قبل ان تنام
عمر : نيفو نمتي
نفين: لسة
عمر : طيب طلبت اكل حيوصل كمان عشر دقايق حتتغدى سوا
نفين بحزن : مش جعانة يا عمر