ليضيف بحقد:
– ولا هي خالتك فاتن دي اللي قالتلك الاسم ده صح ؟؟؟
ولا امك ؟؟
close
ابتسمت الطفلة بشقاوة :
– خالتو تونا قالتلي اسمك سامج عشان انا مش عارفة انطق اسمك..
زفر بغيظ :
– يا سلام ياختي ؟؟
امك مش بتحفظك اسمي ؟
ردت مدافعة :
– لا مامي مش بتحب تجيب سيرتك
هتف بصدمة :
– اصلا!
اومأت الطفلة ليردف بعدها بقهر :
– طب ممكن تغيري اسم سامج ده … عشان عيب تقوليلي كده
ردت باقتراح:
– خلاص هقولك يا (سم)
رد من بين أسنانه:
– سم !!
والله ما في حد سم غير خالتك فاتن
صرخت به بحدة :
– ما تقولش كده عن خالتو تونا… دي جميلة
ابتسم بخبث :
– الله ما انتي ناصحة اهو وعارفة يعني ايه سم… طب مش عيب تقولي على باباكي اسماء زي دي؟