– حمزة بابتسامة فلقد سمعها : روحي و انا جاي وراكي يا مروة
– مروة بغيظ و هي تنظر بحقد الي هند : تمام
و خرجت فعاود حمزة النظر الي هند
– حمزة بابتسامة جذابة : اطلعي غيري الفستان ده و انا هخلص عشا و أتمم الثفقة دي و هطلعلك علشان ليا معاكي حساب تاني
– هند و هي تضع يدها في وسطها: يسلام يا اخويا يعني حلال عليها و حرام عليا
– حمزة و هو يرفع حاجبه : ايه
– هند : السلعوة بتاعتك ما هي لابسه مني جيب مبينه رجلها يا اخويا و لا انت بس بتحب تتحكم فيا انا
– حمزة و هو يجذبها من ذراعها : انا ليا انا احكم عليكي انتي علشان انتي مراتي و بعدين انتي محجبه و لا نسيتي و الشدني ليكي في الأول قبل كل شئ أخلاقك و حجابك يا هند
– هند و هي تشعر بالخجل : انا هطلع اوضتي اغير
____________
في مكان بالخارج
– والد هند : خير يا محمد قولت انك عاوز تشوفني يا ابني و برا
– محمد : أيوة يا بابا انا كنت عاوزك تيجي تتقدم بكرة معايا لواحده
– والد هند : طيب ليه ما جتش عند اختك يا ابني و اتكلمت معايا
– محمد بغضب : ما تقولش عليها اختي لو سمحت
– والد هند : يا ابني انتوا ما لكوش غير بعض بعدي و بعدين يعني اختك اتجوزت حتي لو مش بالطريقة الاحنا كنا بنحلم بيها بس اتجوزت و جوزها هو الغلطان مش هي