– حمزة: طيب اطلعي غيري البتاع ده ما اشوفكيش بيه غير في اوضتنا
– هند بتحدي : انت اتج*ننت ده بابا فاهم يعني ايه
– حمزة بغضب : هتطلعي تغيري و لا اتصرف انا و اعمل شئ مش هيعجبك خالص
– هند بخوف : انا هطلع اغير اهو
– اوقفتها ايد حمزة : صحيح انا لقيت وردة الصبح علي مخدتي مين حطها
– هند بارتباك: ما اعرفش
– حمزة : غريبة استحاله حد من الخدم يتجرأ و يفتح الاوضة عليا انا و نايم
– هند بتوتر اكبر : اه افتكرت انا قطعتها ليا فوقعت مني علي المخدة بتاعتك اكيد
– حمزة بابتسامة جذابة للغاية : و ايه وداكي عندي و انا نايم
– هند : هطلع اغير
– حمزة : ما رضتيش عليا
– هند: حمزة
– حمزة و هو كالمغيب بعدما سمع اسمه منها : قلبه
– هند: البيض اتحرق
– حمزة و هو يتجه الي البوتجاز: قدامك ٣ دقايق و تكوني علي السفرة لابسة حاجة محترمة يا هند مفهوووووم
– هند بتزمر : مفهوم ايه ده يا ربي في معتقل انا
– حمزة : زني زني علشان كلمه كمان و هحبسك في الاوضة و مش هخرجك و هوريكي المعتقل البجد يا هند
_______
في منزل والد هند
استيقظ محمد علي صوت جرس الباب فتوجه اليه ليري من الطارق فكانت ندي
– محمد بصدمة : ندي