– هند بفرحة: بجد يا حمزة يعني هتخليني اشوف بابا
– حمزة : أيوة انا م يهونش عليا ابدا زعلك يا هند
– هند : شكرا جدا بجد
– حمزة : ما فيش شكر انا كلي ليكي يا هند يلا تصبحي علي خير علشان الجامعه بكرة
– هند بابتسامة و انت من اهله
______
في منزل والدة حلا
عقمت والدة حلا الجرح لمحمد و شكرته علي ما فعله مع حلا
– محمد : ما تشكرنيش يا طنت و بعدين اي حد مكاني كان هيعمل كده
– والدة حلا : بس يا ابني انت اتعورت و ما فيش حد شهم كده في الزمن ده تسلم يا حبيبي ربنا يخليك لأهلك
– محمد : ربنا يخليكي يا طنت
– حلا : هو انا ممكن اسالك سؤال
– محمد : اتفضلي
– حلا : هو انت في كليه السن
– محمد : اوعي تقولي انك في الكليه معايا اصل انا بشبه عليكي اوي و حاسس انك معايا في الكليه
– حلا : أيوة انا حلا في قسم ألماني
– محمد : و انا في قسم انجليزي اهلا بيكي
– حلا : اهلا بيك بصراحة شبهت عليك
– محمد : و انا بس مش بشوفك كتير في الجامعه
– حلا و قد تبدلت ملامحها : ها
– والدة حلا : ازاي يا ابني دي بتروح كل يوم
– حلا : أيوة
– محمد : ازاي ده
و هنا لاحظ إشارات حلا له فتوقف عن الحديث
شكرهم و ذهب إلي منزله حزين و اصبح لا يكلم والده و اصبح يك*ره اخته التي كانت السبب في ترك حبيبته له
_______
في الصباح
في عربية حمزة
– حمزة : اتفقنا يا هند و لا كلام و لا سلام ها تخلصي كل محضرة و تيجي المكتب ليا تمام
– هند : حاضر يلا بقي مع السلامة