– حمزة بضحكة رجولية : لا يا حبيبتي اصل جوزك كان في مدرسة داخليه و لما الاكل ما كنش بيعجبني فكنت اتسحب و اعمل انا اكل
– هند : طول عمرك شقي يعني
– حمزة بخبث : بصراحة كده بيني و بينك انتي لسه ما سوفتيش الشقاوة
– هند بتوتر : خو انا مش هشوف بابا
– حمزة و هو يضع الطعام امامها : مش قولنا نستني شوية
– هند : لا يا حمزة عاوزة اشوفهم بابا وحشني اوي و كمان محمد اينعم انا حاسه انه مش هيكون معايا كويس علشان ديما بيقف ليا علي الواحده واكيد الموضوع ده هو مش هيعديه بالساهل ابدا بس ده برضو اخويا يعني
– حمزة : هو محمد بيتخانق معاكي ديما
– هند : يوووه ما تعدش من ساعة ما ماتت ماما و هو اضايق مني اكتر
– حمزة : اشمعنا يعني
– هند : علشان هو كان قريب من ماما و امي كانت شديدة معايا شوية و بابا الكان بيدلع فيا و من بعد ما اتوفت ماما حس بالنقص مع اني انا كنت حاسه بيه
طول عمري و انا شايفة حنان امي مش ليا و انا جنبها و هي مش حاسه بيا
– حمزة و هو يجلس بجوارها علي سفرة المطبخ و يربت علي كتفها : خلاص يا هند الله يرحمها و يسامحها
– هند بابتسامة حاولت جاهده رسمها : الله يرحمها كنت عاوزة اسالك في حاجة كده