✨عند يوسف..✨
يوسف اخد الخيل بتاعه وبدأ يتمشي بيه وبيبص علي كل حاجة حواليه..
يوسف كان بيبص علي الناس علي الاراضي الزراعية علي كل حاجة..
يوسف تعب شوية رجع تاني القصر لقي الكل نايم طلع هو كمان ينام…
***********************************
✨في الصباح الباكر…عند رعد و نبض..✨
نبض كانت نايمة بدأت تفوق وتحرك رأسها ببطء..
نبض فتحت عينيها لقت رعد قاعد قصادها علي السرير باين انه لسة صاحي..
نبض:صباح الخير..
رعد لا رد..
نبض قامت اتعدلت علي السرير وحطت ايديها علي رقبتها..
نبض(بخضة):ايه ده؟!
نبض(بقلق):سلسلتي..
رعد:سلسلة ايه؟!
نبض:دي مش بشيلها من رقبتي خالص راحت فين..
نبض شالت المخدات كلها ورعد باصص ليها باستغراب
نبض قلبت الاوضة كلها علي السلسلة..
نبض(بدموع):هي راحت فين؟!
رعد(بحدة):مش لما تفهميني بتدوري علي سلسلة ايه؟!
نبض(بدموع):السلسلة دي كانت غالية عليا اوي مش بقلعها من وانا صغيرة..
رعد كان بيبص حواليه لمح حاجة بتلمع في الارض وطي مسكها لقي ✨سلسلة رقيقة جدا وفيها قلب صغير اوي بيلمع والسلسلة كانت فضي✨