ياسلمي لو اضريت اتجوزك غصب …
أما عند سلمي كانت قاعده في اوضتها زعلانه جدا انها زعلت حسام وكانت في حيره كبيره جدا حاسه بنغزه في قلبها أنه زعلان معقوله حبها ليه حب اخوي اومال ليه بتتوتر وبتترعش لما بتشوفه هي سمعت أن الكلام ده في الحب والروايات بس ،وليه مش بتحس باي حاجه من الاحاسيس ديه وهي مع جاسم
معقوله متكونش بتحبه وده مجرد اعجاب أو انبهار بجاسم وهيروح مع الوقت ،معقوله تكون بتحب حسام بس بتتجاهل احساسها ده !
نامت في مكانها وهي بتفكر وجه اليوم التاني وكلمت جاسم بالمعاد وفعلا جه …
حسام وهو بيحط رجل علي رجل بغرور : انت بقي قولتلي انك عايز تتجوز سلمي ؟
جاسم بتوتر وخوف من نظرات حسام اللي كلها ش*ر : ا ايوه ح حضرتك يشرفني
حسام ببرود : اممممم وياتري بقي انت عارف انا بالنسبالها ايه ؟
جاسم بتوتر : ا اه حضرتك ي يعني هي قالتلي أنك اخوها
حسام : توء غلط
جاسم باستغراب : هو ايه اللي غلط ؟