مليكه وهي بتلطم : احيه
سلمي باستغراب ورفعه حاجب : ايه مالك ؟
مليكه : تهربي فين لامؤاخذه
سلمي وهي بتبص يمين وشمال وبتتكلم بخفوت : ههرب مع جاسم
مليكه بصدمه : انتي اتجننتي ياسلمي
سلمي بعصبيه : لا متجننتش اومال اتجوز واحد انا مش بحبه غصب عني ؟
مليكه بزعل : انتي مش بتحبي حسام ؟
سلمي بتوتر : ا اه بحبه ب بس زي اخويا
مليكه : بس حسام مش اخوكي
سلمي : بس انا مش عايزه اتجوزه
مليكه : بس حسام بيحبك ياسلمي ادي نفسك فرصه يمكن تحبيه !
سلمي بعصبيه : بقولك مش بحبه ومش هحبه انتي مبتفهميش ؟
مليكه بزعل : كتر خيرك ،اعملي اللي انتي عايزاه عن اذنك ي يااختي
سلمي بتأنيب ضمير لنفسها : ايه اللي انا عملته ده ،ب بس انا لازم اهرب دلوقتي
وفعلا لمت شنطه هدومها عشان تهرب وخرجت وكان الكل نايم في اعتقادها …مشت علي أطراف صوابعها بهدوء وتوتر وكانت لسه هتفتح باب الشقه بس
وقفت مكانها بصدمه لما سمعت صوته من وراها
رايحه فين ياسلمي؟
سلمي وهي بتلف : انا رايح فين انا رااااجع تاااني …
يتبع..