داغر : بتغيري عليا
هدير : وهغير عليك ليه ان شاء الله لاء طبعا مافيش الكلام ده انا ولا بغير ولا زفت
داغر : ممممم فعلا واضح انك مابتغيريش
هدير: ( بنرفزه ) ايوه بغير .. ومن حقي اغير انت مش جوزي ولا ايه
وبعدين لو كان حد بيعاكسني انا.. كنت هتغير عليا ولا لاء
داغر : ( بغيظ ) وهو حد يقدر يعاكسك اصلا ده انا كنت فصلت راسه عن جسمه
هدير : ( بلعت ريقها وهي عارفه ان داغر بيتكلم جد ) لا وعلي ايه الطيب احسن
هدير مسكت ايد داغر وشبكت ايديه بأيديها ورفعتها للبنات وشاورتلهم علي الدبله اللي في ايديه
البنت بسرعه حطت وشها في الارض وبصت الناحيه التانيه
داغر وقتها ابتسم ابتسامه قمر زيه وباسها من جبينها وقربها لي اكتر
—
(في نفس الوقت )
ياسين : علواااااااان
علوان : انا معاك يا ياسين
ياسين : انا عايز رجاله اكتر انت فاهم .. عايز رجاله قويه جامده مايعدووش العشرينات في عز شبابهم
علوان : كل رجاله البلد جيبتهوملك ياياسين
مش عارف اجيبلك رجاله منين تاني
ياسين : مش عايز اسمع الكلمه دي انت فاهم تئب وتغطس وتجيبلي رجاله زياده كل اللي تقدر عليه
يا اما انت عارف ايه اللي هيحصلك
علوان : لاه .. لاه خلاص انا هجييلك اللي انت عايزه بس ما تأذنيش