يزن نزل ونام علي بطنه بسرعه وضرب رجله في رجل واحد فيهم وقعوا من علي القطر صابر بيبص لقي اللي بيقع من علي سطح القطر
مسك ساره وحط المسدس في ضهرها بسرعه وبقي بيتحرك بيها
صابر : امشي معايا
ساره اتحركت معاه بالعافيه
الراجل التاني اللي كان مع يزن فوق لسه هيضرب نار بيبص لقي المسدس الطلقات بتاعته خلصت
يزن قام بسرعه ومسكوا هما الاتنين في بعض
لحد ما يزن اخيرا رماه هو التاني وماتفضلش غير صابر
يزن نزل بسرعه من علي سطح القطر وبقي يدور علي ساره في كل عربيه من عربيات القطر لحد ما لقاها وصابر ماسكها وواقفين قدام الباب والمسدس في ضهرها
صابر : قرب حركه كمان وهقتلها وارميها قدامك من القطر
يزن : بتعمل كده ليه ؟ وليه عايز تقتلني
صابر : هو انا اللي عايز اقتلك ما انت عارف انا وانت وعمار وغيرنا عبد المأمور
يزن : ( جه يقرب )
صابر : اوعي تقرب
يزن : عملت ايه غلط عشان يؤمرك انك تقتلني
صابر : انت وساره دخلتوا المكتب واخدتوا حاجه مهمه جدا منه .. وانت عارف مع العربي مافيش غلط
يزن : ( شاور براسه من فوق لتحت حاجه بسيطه ) عارف .. عارف ان ماينفعش نغلط
بس عمار .. عمار في خطر ولازم نلحقه
صابر : مش مشكلتي .. انا مشكلتي انك تيجي معايا