الدكتوره : اي التخاريف الي بتقوليها دي انت بعملتكم دي كسرتوا البنت مش كفايه ملهاش سند أو حد يحميها انتو اي و سابتهم و مشيت …
الجد : أنا قولتلك يا بني..
فهد : قام من مكانه و عمل كام تليفون …
بعد حوالي 4 ساعات
فهد : تليفونه رن و كان المتصل نفس الشخص الي كلمه من ساعه …
الشخص : حضرتك أحنا جبنا الواد و حطناه في المخزن و ظبطناه علي ما تيجي تشوفه …
فهد : حلو اوي كده انا جاي حالاً بعدين كان لسه بيفكر يطلع يغير هدومه لكن مرضاش عشان ميشوفش ماسه
فقرر يروح بعدومه دي *كانت عباره عن بدله *
*عند ماسه *
كانت ماسه قاعده علي السرير و ضامه رجليها عليها و بتعيط و شغاله تفتكر كلام ابوها معاها …
ابو ماسه : مهما كان يابنتي اوعي تخلي حد يكسرك انتي فاهمه انتي المفروض تكوني قويه زي امك ..
ماسه : بس يا بابا طول ما انت معايا مفيش حاجه هتحصلي …
ابو ماسه : أنا مش باقي علي الدنيا يا بنتي خلي بالك من نفسك و زي ما قولتلك متخليش حد يكسرك أو يزعلك طول ما انتي علي حق متخافيش …
فضلت ماسه تعيط و تقول شفت يا بابا شفت اتكسرت ازاي و من مين من الشخص الي المفروض يحميني و فضلت تعيط اكتر …