شويه و كانت ماسه خلصت و ناموا الاتنين علي السرير كل واحد في جمب و ده بناء علي قرار فهد ..
حوالي الساعه 4 بليل قام فهد علي صوت كحه ماسه ..
فهد : حط أيدو علي دماغها لقاها سخنه حاول يصحيها مكنتش بتصحي كانت كل الي بتعمله بتهلوس بكلام مش
مفهوم ..
بعدين قال هو انتي كده مفيش يوم يعدي من غير ما تعملي مشكله و بدأ يقيس الحراره …
عدي حوالي ساعتين علي الحال ده و أخيراً السخنيه نزلت …
الصبح حل و كل واحد قام يشوف شغله من اكبر واحد لحد اصغر واحد ..
الجد : قاعد زي عادته علي الكرسي في مدخل البيت بيصبح علي الرايح و الجاي ..
و الستات في بيوتها بتجهز الفطار في البيت عشان الرجاله الي جايه من بره سوا في شغل أو الأرض بتعته …
ريتال : داخله المطبخ شافت قاسم قاعد في الصاله و مفيش حد معاه راحت قربت منه و قالت ممكن نتكلم شويه ..
قاسم : خير يا ريتال عايزه اي ..
ريتال : أنت بتعاملني كده لي ..
قاسم : بعاملك ازاي يعني ..
ريتال : بتتصرف معايا ببردو عكس صفيه و آيلان …
قاسم : أنتي الي شايفه كده انا بعاملكم كلكم زي بعض عشان أنتوا كلكم عندي واحد ..