ابو مسعد : ب المختصر يا حج احنا طالبين ايد الانسه ريتال ل أبني مسعد زي ما انت شايف شاب زينه و صغير و تقدر تعتمد عليه ..
عبد الحميد : و الله يا بني انا لو عليا مش هعترض بس لازم امها و اخوها الاول يقررو…
مسعد : تمام يا حج شوفوا الوقت الي يناسبكم و انا اجي فيه …
عبد الحميد : انا هتكلم مع اخوها دلوقتي و اردلك خبر علي ما تشرب الشاي …
مسعد : تمام يا حج خد راحتك ….
خرج عبد الحميد من القاعده و نده علي حفيظه ..
حفيظه : خير يا حج …
عبد الحميد : في ناس كويسين طالبين ايد ريتال انا مردتش اتكلم الي لما اخد رأيك انتي و اخوها زي ما نتي عارفه
ده حقكم و انا مينفعش أجبركم علي حاجه …
حفيظه : الي تشوفه يا حج و بعدين الشوره شورتك انت و اخوها انا مليش دعوه واصل …
عبد الحميد : فهد فين طيب ..
آيلان : نازله علي السلم تلاقيه نايم عند قاسم عشان شكله متخانق مع مراته …
عبد الحميد : بت يا صفيه …
صفيه : نعم يا جدي ….
عبد الحميد : اطلعي أوضة قاسم ابن عمك و نادي فهد من فوق قوليه البس بسرعه و انزل كلم جدك …
صفيه : عنيه يا جدي و طلعت تصحي فهد زي ما جدها قالها ….