البيت ..
قاسم : هي عملت أي..
فهد : معملتش بس مينفعش تخرج ب الهدوم دي البيت في شباب …
قاسم : انا هتكلم معاها تعالي بس كده استريح و خلينا ناكل لقمه …
فهد : يا أخي اسكت انا كل ما افتكر منظر الاتنين و هنا متقطعين احس بوجع في بطني ..
قاسم : قاعد قدامه و هو بياكل و بعدين قال الصراحه انا بعد المنظر ده خفت جامد منه دي انسان مجنون يا عم ..
فهد : الصراحه البت تستاهل يعني تبقي متجوزه واحد مافيا و شغال مع تجار أعضاء و تخونه لا دي يبقي قلبها
جامد بقا
قاسم : الصراحه عندك حق انا لو مكانه كنت هعمل كده ..
فهد : عارف الي زي ده مش عايز سجن ده عايز مستشفى للمجانين و الله ..
قاسم : بيحاول يكتم ضحكته بعدين انفجر في الضحك مره واحده و قال كان نفسي تشوف منظرك اول ما دخلت الاوضه..
فهد : ضحك هو كمان و قال طب و الله يا عم اتخضيت لما شفت شكلهم….
قاسم : ضحكنا شويه نتكلم بقا في المهم هتعمل أي مع ماسه ..
فهد : الصراحه مش عارف مش مدياني فرصه اتكلم معاها و أفهمها أن كل ده كدب ..
قاسم : الصراحه البنت شافت حاجات كتير من ساعه ما جت هنا و لازم تعذرها …
فهد : أنا فاهم كل حاجه بس هي الي مش عايزه تسمع…