فتحت ماسه الباب و شافت صفيه و ريتال قدامها الي كانوا ميتين من الكسوف ..
صفيه : اتكلمت و قالت جدي بعتنا عشان نشوفكوا صحيتوا و لا لسه عشان الفطار و كده ..
ماسه : قوليلو شويه و نازلين ..
ريتال : تمام و نزلت جري هي و صفيه ..
صفيه : عارفه يابت يا ريتال فهد ابن عمك ده محظوظ مجوز بت قمر بسم الله ما شاء الله..
ريتال : اه و الله مع انها هي كمان من مصر بس احسن من البت آيلان بنت عمك و بعدين اي آيلان ده هو ده اسم اصلاً..
صفيه : طب يلا يا اختي ننزل عشان جدك ..
*في اوضه فهد *
فهد : زق الباب بأيدو و قال أنتي فتحتي الباب كده ..
ماسه : أيوه دول كانوا ريتال و صفيه فيها أي يعني ..
فهد : فيها أن مفيش ست محترمه تفتح الباب بالبس ده يا هانم ..
ماسه : اولا الي كانوا برا دول بنات عمك تاني حاجه انا متعوده البس كده في البيت ..
فهد : في بيتكم لما كنتي انتي و امك بس هنا احنا بيت عيله و بعدين زقها و دخل يلبس لانه كان نايم بالفوطه بس
من امبارح ..
ماسه : دخلت الحمام و فضلت تعيط و بعدين قالت مش كان أهون ليا اقعد مع ماما فريده أحسن من البهدله و الذل الي انا في ده …
فهد : هتفضلي جوه كتير ..
ماسه : بغير هدومي عندك مانع ..
بعد شويه خرجت ماسه و كانت لابسه جيبه جلد لحد تحت الركبه بشويه و عليها تيشرت أبيض مكتوب عليه بالاسود و شوز أبيض ..
فهد : كان واقف قدام المرايه و كان كل شويه يعطس بعدين بص لماسه و قال أنتي هتنزلي كده ..