ريتال : قاعده علي حرف السرير و شغاله تقطع صورها هي و صفيه بكل غل ..
و بتفكر ازاي هتخلي قاسم يتجوزها …
فهد : دخل الاوضه و شاف ماسه لسه نايمه و في دموع
علي خدها بعدين راح مسحها و اخد الاب توب بتاعه و
قعد علي الكنبه يشتغل عليه لكن عذاب الضمير مكنش
مخليه عارف يعمل حاجه بيفكر اد اي الي عمله معاها
كان غلط هي متستهلش كل ده منه رغم أن هي ملهاش
اي علاقه ب الي حصل معاه و بعدين هي في الاول و
الآخر مراته و المفروض يحترمها مش يقلل منها بعدين أتعهد مع نفسه انو هيحاول يتغير عشانها …
*عند الباشا *
الوزير : كان واقف و باصص من الشباك و بينفخ سيجاره من النوع الفخم و بيقول للباشا احنا دلوقتي مش هنقدر نعمل حاجه عشان البوليس عينه علينا ..
الباشا : احنا لو معملناش دلوقتي مش هنقدر نعمل بعدين فهد لو رجع زي الاول مفيش مخلوق هيقدر يوقفه ..
الوزير : نفخ دخان السيجاره و قال تبقي غبي لو عملت حاجه دلوقتي و مين قال ان مفيش حد هيقدر يوقفه انت نسيت انا مين ..