فهد : ضحك عليها و قال انتي هبله يا بنتي انتي مراتي يعني حلالي و بعدين انا يوم ما ابص لوحده أو تعجبني وحده مش هتكون انتي اكيد …
طبعا كلام فهد ده جرح أنوثتها جدا هي اه بتلبس علطول بناطيل بس مش معني كده أن هي وحشه أو شبه
الشباب ..
ماسه : في دمعه نزلت من عينيها لكن هي مسحتها علطول من غير ما يلاحظ …
بعد حوالي 10 دقايق فهد قال انا خلصت و تقدري تنامي دلوقتي ..
ماسه : اخدت منه علبه المستلزمات الطبية و نزلت من علي السرير بعدين قالت انت كمان مش هتغير علي الجرح
بتاعك ..
فهد : لأ غيرت عليه في المستشفي …
ماسه : طيب و دخلت الحمام و قعدت علي حرف البانيو بعد ما قفلت الباب بالمفتاح عليها و شغلت المايه جمبها و فضلت تعيط …
عدي ربع ساعة و هي لسه في الحمام و ده الي قلق فهد ..
فهد : راح خبط علي باب الحمام و نده عليها …
ماسه : ايوه ..
فهد : بتعملي اي ده كله انتي كويسه ..
ماسه : فتحت الباب و كانت عينيها حمراء جدا من كتر العياط …
فهد : انتي كنتي بتعيطي ..
ماسه : قالت مفيش حاجه و كانت ماشيه لكن هو مسكها ..
فهد : انتي كنتي بتعيطي لي ..
ماسه : ممكن احضنك و اعيط و متسألنيش مالك ..
فهد : قرب منها و هو فاتح حضنه و ضمها ليه ..