نقطة ضعفي وهو قدر يستغلها صح خطفها كانت لسه صغيره كان عندها 16سنه كنت بشوفها فترات كل م كنت بعمل حاجه صح واجبله معلومه مهمه كان بيخليني اشوفها مسك دي كل حياتي هي امي واختي وابويا وصحبتي
انا مش عارفه هو هيعمل فيها ايه دلوقتي انا اختي في خطر انا عارفه انك ممكن متكونش مصدقني بس والله دي الحقيقه
يوسف بسخريه: مكونشي مصدقك… لا يروحي انا كل كلامك ده مدخلش دماغي اساسا انتي واحده كدا’به اول
حاجه ابوكي مطلعش ابوكي مازن ومطلعش اخوكي لا طلع من اعدا’ئي والبنت اللي بتقولي عليها اختك اكيد دي خطه جديده منك
اريج بحزن: دي الحقيقه ي يوسف انا اختي مخطو’فه من تلات سنين ومش عارفه ارجعها انت الوحيد اللي تقدر… انا حاولت اقولك كتير عن الحقيقه معرفتش حاولت اقولك يوم الحد’ثه والرصا’صه اللي جات فيا معرفتش اقولك
انا مبكدبش عليك ارجوك ساعدني اطلع اختي من السـ، جن دا واوعدك انك مش هتشوف وشي تاني
يوسف حس بنغزه في قلبه لما قالت مش هيشوفها تاني: انتي فعلا هتمشي
اريج بحزن وهي بتبص في عنيه: بس رجعلي اختي
يوسف بص في عنيها وحس بالصدق في كلامها واتكلم بجمود’: هرجعهالك بس مش عاوز اشوف ولا المح وشك
روحي في حته بعيده مقدرش اوصلك فيها ولا تقدري توصليلي فيها لاني كرهتك كرهتك ي اريج وبتمني مشفش وشك تاني ولا عاوزك في حياتي
اريج بصت في عيونه وجريت عليه وحضنته جامد وكأنه اخر حضن هتحضنهوله تاني
يوسف اتصدم بس حس بشعور غريب كأنه مش هيشوفها تاني فعلا بس كدب ظنه وطلعها من حضنه وزقها بعيد