مازن: والعمل
فارس: هنتحرك بعد بكره نجيبه
مازن: وانا مع حضرتك؟
فارس: اكيد
close
فطلع مازن ورقة من جيبه وناولها لفارس وقاله: خلي الورقه دي مع حضرتك لو حصلي حاجه
اخد فارس منه الورقة وسأله: ايه اللي فيها؟
مازن بكسوف: مكسوف اقولك
فارس: قول ومتخافش
مازن: ده اعتراف مني بجوازي من حبيبتي عشان ترفع راسها قدام الناس
فارس: مش فاهم
حط مازن وشه في الارض وبدأ يعيط
فبصله فارس باستغراب وسأله: ايه الحكاية؟
مازن بكسوف: مكسوف اقولك
فارس: احكي اللي جواك ومتقلقش اعتبر انك بتتكلم مع نفسك
مازن بهدوء: انا كنت واحد مستهتر مضيع حياتي عالبنات واللعب بيهم
واتنهد وكمل: لحد ما قابلتها حبتني حب انا مستهلوش، وانا اتسليت بيها وكسرتها
بصله فارس وحس ان الكلام عليه برضه فسأله بهدوء: وبعدين؟
مازن وهو بيعيط: انا كنت ندل معاها اخدت اللي انا عاوزه وسيبتها هي تتعذب