وبعد شوية وصلت القوة ومعاهم زياد ودخلوا به على مكتب الضابط واول ما شافهم طارق واياد ومعاذ راحوا وراهم وبدأ التحقيق مع زياد، فسأل الضابط زياد عن اللي عمله
حكاله زياد الاول عن اللي حصل فسأله الضابط: وليه كان معاك بطاقة معاذ؟
زياد: كانت وقعت منه واخدتها عشان ارجعهاله بس وقعت مني في اوضة قمر
close
الضابط: وايه السبب اللي خلاك تعمل كده؟
زياد بخجل: عشان بحبها، وكنت فاكر بالطريقه دي هتجوزها وتحبني
حاول اياد يضربه على وشه بس ايد معاذ منعته وهو بيقوله: اهدا خلاص
اياد بعصبية: مش سامع الكلام اللي ينرفز
الضابط: هدوووء والا كله هيطلع بره
وبص لزياد وسأله: معاذ له علاقه باللي حصل؟
زياد: لا يافندم
الضابط: ليك شركاء تانيين؟
بص زياد لطارق وقال: ايوه
الضابط: مين؟