طارق: طيب انتي مشوفتيش شكل الشخص ده خالص؟
قمر بتعب: لا يا بابا انا اول ما حسيت به صرخت
طارق: طيب ملك بره عاوزه تطمن عليكي
قمر بفرحة: دخلها طبعا
فتح طارق الباب وشاور لملك تدخل فدخلت وخرج هو وراحت ناحية قمر وحضنتها وهي بتقول: رورو بعد الشر سلامتك
قمر: انا كويسه اهو الحمدلله
ملك: الحمدلله
وسابتهم نبيلة وراحت تجيب عصير لملك وبدأوا يتكلموا مع بعض ففتحت قمر تليفونها لقت مكالمات من فارس ورسايل منه فردت عليه بانها في المستشفى ورجعت رنت عليه بس هو مردش، فقالت بقلق: وبعدين معاك انت فين؟
ملك: مالك في ايه؟
قمر بحزن: بكلم فارس بس مش بيرد عليا
ملك بدهشة: فارس مين؟
قمر بابتسامة: هو انا محكتلكيش؟
ملك بفضول: لا واحكي بقا
حكيتلها قمر عن فارس ورجعوا يتكلموا ويضحكوا لحد ما ملك روحت ودخل الدكتور على قمر يطمن عليها فسألته نبيلة: خير يا دكتور
الدكتور: خلاص يومين كمان والانسة قمر تخرج بالسلامة بس هنعملها check up على كل حاجه كده عشان نطمن اكتر