صاحية بتفكر وبتسأل نفسها: معقول؟! لا اكيد مش هو؟ صح؟ لا مش هو يا قمر……
مين اللي بيبعت لقمر الحاجات دي؟
close
نرجع لفارس
تاني يوم حضر الدكتور ودخل اوضة فارس يطمن عليه، وبعد ما خلص كشف سأله فارس: عملت اللي قولتلك عليه؟
الدكتور: طبعا
وخرج من جيبه كارت باسم دكتور نفسي وناوله لفارس وقال: ده احسن دكتور من وجهه نظري وتقدر تروحله اي وقت
فارس: شكرا
وبص لنفسه وسأل الدكتور: هو انا هفضل راقد كتير
الدكتور: لا الافضل انك تقوم وتتحرك طبعا
فارس: امتى؟
الدكتور: من بكره لو حبيت
فارس: شكرا يا دكتور
ومشي الدكتور وبعد شويه دخل سيف لفارس وقعد قدامه فسأله: في ايه؟
سيف: عملتلك اجازه مرضي شهر
فارس: ليه شهر، انا هبدأ اتحرك من بكره
سيف: كده احسن لحد ما تتعافى خالص