الدكتور: اخدت كمية كبيرة اوي من دوا معين
قاطعهم رنة تليفون سيف برقم اياد فكنسل عليه وبص للدكتور وسأله: وحالتها ايه؟
الدكتور: احنا عملنا غسيل معدة، ودلوقتي بترتاح وكمان ساعتين تقدر تخرج
سيف: طيب اكتب في التقرير تسمم غذائي بدل انتحار
الدكتور: ازاي حضرتك؟
سيف: تعالى معايا وانا هفهمك
وراحوا سوا لاوضة الدكتور يتكملوا، وبعد ما سيف خلص مع الدكتور اتصل بإياد وبلغه ان اخته في المستشفى وبعدها راح لاوضة قمر واستأذن ودخل لقاها بتعيط في حضن مراته، فشاورتله چنى يسكت فقعد سيف قدامهم وبعد شوية قال: اياد زمانه جاي، امسحي دموعك
چنى بخضه: انت قولتله؟
سيف: ايوه، بس قولتله تسمم بسبب اكل امبارح
وبص لقمر وقال: ليا كلام معاكي لما نرجع الڤيلا
وبعد شوية وصل اياد ودخل اوضة قمر بسرعة وهو مخضوض وراح ناحية اخته وحضنها وسألها: انتي كويسه، حصلك حاجه؟
ردت قمر بتعب: انا كويسه اهو