نرجع لسالم
بعد ساعة وصل المحامي وقعد مع الحج سالم في التراس وفضلوا يتكلموا، وبعد شوية دخل الحارس ومعاه سهام ومي واول ما شافهم قال: اهلا اهلا اتفضلوا
سهام باستغراب: ايه الترحيب ده كله؟
close
ودخلوا يقعدوا مع الحج سالم والمحامي واول ما قعدوا قال سالم: تاخدوا كام؟
سهام باستعباط: كام ايه، واحنا هنا ليه اصلا؟
الحج سالم: خمسين الف كويس؟
مي بابتسامة: مش قليلين شوية على مستقبل ابنك
الحج سالم: اومال عاوزين كام وتتنازلوا؟
سهام: قدر تتقدر
الحج سالم: ماشي، بس بشرط
مي: ايه؟
الحج سالم: تمضي عالورقة دي
مسكت مي الورقه وسألته: ايه دي؟
المحامي: تنازل عن المحضر
بصتلها سهام وهزت راسها بالموافقة وبعد ما مي مضت عالورقة اخدها المحامي منها والحج سالم ناولهم شنطة مقفوله وقال: حلال عليكم اللي فيها
سهام بفضول: كام؟