سيف اللي قال: كويس اوي
وبص لچنى وسألها: كنا بنقول ايه بقا؟
چنى: كنا بنقول هنروح نقعد انا وقمر في الشاليه شوية
close
سيف: طيب ما تيجي انا وانتي الاول نسافر جولة كده في كذا حته
چنى بفرحه: امتى؟
ضمها سيف له وقال: بعد يومين كده، بس نروح الاول لأهلك
چنى بابتسامة: ماشي
سيف: يلا بينا
وطلب الحساب وبعد ما دفعه رجع هو وچنى البيت ودخلت چنى غيرت هدومها وبدأت تحضر الشنط اما سيف فجت له مكالمة من سالم فوقف في البلكونه يتكلم معاه وبعد ما خلص معاه دخل يساعد مراته في تحضير الشنط وبعد ما خلصوا ناموا….
******************
نروح لفارس
بعد ٤ ساعات وصل فارس اسكندرية وراح للعزبة ووقف قدام البوابه بالعربية وفضل يضرب كلاكس وينادي على حد من الامن لحد ما طلعله شويه من الحرس وفرد الامن بتاع البوابه فزعق فارس فيه: انتو فين يا بهايم
فرد الامن: فارس باشا، احنا اسفين اوي