زياد: ليه بقا؟
معاذ: هقوم لوحدي مش عايز مساعدة ولا عاوز حد جنبي
زياد: متأكد؟
معاذ: قصدك ايه؟
close
زياد: نور مثلا بتعمل ايه؟
فابتسم معاذ وقال: نور، انا مش عارف من غيرها كنت عملت ايه، هي اللي لقيتها جنبي في الوقت ده
زياد: عشان بتحبك
معاذ بخبث: تفتكر؟
زياد: ليه لا ده باين في كل تصرفاتها معاك، بس قول لي انت بتحبها؟
بصله معاذ بسكوت وابتسم ففهم زياد قصده وقال: طيب وهتعمل ايه مع قمر؟
معاذ: حاول انت تقول لها بطريقة لطيفه تبعد عني
زياد: على راحتك
وبعدين نادوا عالويتر وطلبوا الحساب ودفعوه وبعدها قاموا يتمشوا شويه ويكملوا كلام لحد ما كل واحد فيهم رجع بيته….
نروح لبيت علاء “عم قمر”