لين وقفت ورجعتله تاني :انت تعرفها منين؟
كريم :انتي هتهزري ولا اي
لين كانت هتكلم بس حست بحد جاي شدت كريم وجريت لمكان برة تحت استغرابه ..ووقفت في حتة هادية وبدات تاخد نفسها بتعب :انت مين
كريم :انتي هربانة ولا اي
لين :امم اخلص انت مين
كريم :انتي الي مين لو انتي م لينا ف انتي مين
لين اتنهدت بحزن :انا اختها لينا متوفية انت مين بقي
كريم بان علي صوته الحزن من جديد:انا كريم الي ودتها المستشفي
لين هزت راسها بدموع محبوسة:الله يرحمها
كريم :يارب ….وبص عليها وعلي شنطتها وقال بهدوء:انتي العروسة م كدة
لين بتوتر:عروسة اي انت تبعهم
كريم :انا صاحب مازن كنتي هربانة
لين بتوتر وهي بترجع لورا:هروب اي ياعم كنت بجيب حاجة بس
كريم بهدوء:متقلقيش هساعدك
لين بصتله بصدمة:نعم!!بجد؟
كريم هز راسه وقال بهدوء:م موافق علي الي مازن بيعملو اصلا …المهم ناوية تروحي فين عارف انك م هتثقي فيا وتقولي مكانك ومقدر ده بس اقصد عندك مكان تروحيلو ولا اتصرف في مكان ليكي ومتقلقيش والله انا م زيو انا اه كنت زيو بس …اكمل بحزن:بعد حادثة اختك اتغيرت اعتبريني اخوكي ممكن