مينفعش كدا يا استاذ ، اتفضل برا خلينا نشوف شغلنا
” الممرضات قفلت الباب في وشي ، فضلت واقف برا لوحدي أكتر من ساعة ، انا حاسس اني متكتف مش عارف اعمل حاجة ، ابني اتخطف ، مراتي في المستشفى ، انا معرفتش احافظ على عيلتي وسيبتهم يحصل فيهم كل دا ، ماسك دموعي بالعافية عن انها تنزل و
احس اني ضعيف أكتر مانا حاسس بالضعف اساسا ، هو انا عملت ايه في حياتي عشان كل دا يحصلي.. الدكتور خرج ، روحتله بسرعة
خير يا دكتور ، نادية كويسة صح؟
= متقلقش هتبقا كويسة ، هي المدام عندها ارتجاج بسيط في المخ نتيجة ضر*بة قوية على دماغها او اصطدمت بشئ ، احنا هنعمل
اشعة على المخ عشان نطمن أكتر ، خير متقلقش
هو انا ينفع اطمن عليها
= معلش مش هينفع دلوقتي .. عن اذنك
” تليفوني رن من رقم غريب ، مردتش عليه ولكن هو اتصل تاني
الو
= قولي بصراحة.. اتكيفت ولا لا
ورحمة امي يا ابن الكل* ما هسيبك ، اقسم بالله هخليك تتمنا الموت على اللي انت عملته دا
= بتعجبني ثقتك في نفسك أوي يا حسام ، واثق انك هتخليني اتمنا المو*ت وانا أساسا معايا ابنك ، قولي جايب الثقة دي منين