= بحاول اشوف حل
ولقيت
= هحكيلك بعدين يا نادية ، انا محتاج انام دلوقتي
يعني انا مستنياك كل دا وفي الآخر ترجع تقولي انا هنام
= نادية لو سمحتي انا مش فايق خالص للمواضيع دي ، سبيني في اللي انا فيه
وهو ايه اللي انت فيه
= لا دا انتي شاربة حتة ب 200 لوحدك ، مالك يا نادية في ايه ، انتي مش حاسة باللي احنا فيه؟
هو دا اللي معصبك يعني
= لا ارتفاع البورصة هو اللي مضايقني اصلي خسرت كل الاسهم بتاعتي في مصنع البسكوت ، دا انتي بني آدمة مستفزة
” سيبتها ودخلت انام ، اترميت على السرير ومن بعدها محستش بنفسي من كتر التعب ، لما فوقت كانت الساعة 12 بليل ، قومت لقيتها قاعدة مع ابننا في أوضته بتلعب معاه ، روحت على الشباك وفتحته يمكن اشوف حاجة ، بصيت يمين وشمال بس مفيش اي حاجة ،
قفلته تاني و دخلت أوضة ابننا ، بصتلي وسكتت
نادية انا اسف ، مكنش المفروض اتعصب عليكي كدا ، متزعليش
= حصل خير يا حسام
طب قوليلي بقا أنتي كنتي عايزة تخرجيني من المود ازاي
= مود ايه مش فاهمة