– اكيد لو برشامه مخدر أو هتأذيكى كنت اديتهالك بطريقتى منغير تمثيل
بصتله بشده من اعترافه
– انا واحد صريح حتى لو هأذى الى قدامى
قالت بحنق – انت ..
رفع عيناه وبصلها فخافت من نظرته ولم تكمل فكانت تريد ان تسبه
– معلش
بصتله كمل وقال – مكنتش اقصد اضايقك بالى عملته من شويه
افتكرت تقربه منه وتقبليها وجدته يكمل
– كنت بجس نبضك، أنا مش كده مبجبرش واحده عليا
– مش فاهمه بتجس نبضى ازاى ؟
– مش ضروروى تفهمى، اشربى يلا
كانت مستغربه من ذلك الشخص كثيرا حطت البرشامه فى بوقها وشربت ثم تنهدت
– هتعرفى تزيفى الجوازه دى زى ما زيفتى مرضك ليا
ردت بكل هدوء – انا مزيفتش مرضى بطنى فعلا كانت بتوجعنى .. لو مضايق اوى كده باشر فى اجرائات الطلاق وانا هوقعها
مسكها من دراعها وقال – انتى قاصده تتريقة عليا يابت .. منتى عارفه انه مش هيوافق وإلا كنت عملت كده قبل اما تقولى
– انا اصلا معرفش هو مين ومش عايزه مهرك شوف هنطلق ازاى وانا معاك بس ده كل إلى أقصده
صمت بلا مبالاه ولم يرد عليها مشي وسابها
خرجت افنان من البيت بس وقفت فجأه لما لقت الدنيا بتمطر جامد والجو مقلوب بصت فى تلك المنطقه فهى لحين ان تخرج منها عشان تركب هتكون اتغرقت ويعالم هتلاقى مواصله ولا لا، بصت على البيت بتردد بعدين رجعت دخلت بصت حواليها
– استاذ هيثم