فرح:طب اصبر يمكن ربنا يكرمنا
انا بحبك ياقاسم وماليش غيرك بعد وفاة والدى ووالدتى حرام عليك تعمل فيا كده
قاسم:انا هعمل فيكى ايه انا كل اللى هعمله هستعمل الرخصه اللى ربنا مدهالى وهتجوز واحده عشان انجب منها أطفال واظن ان ده من حقي
فرح:وانت فاكر ان انا كمان مش نفسي ان اكون ام بس هو ده بايدى يعنى وانا مقصره
استحمل معايا واكيد ربنا هيكرمنا فى الاخر
قاسم:انا صبرت كتير وعملت كل اللى الدكاتره طلبوه واظن انى مقاصرتش معاكى رغم حالتي الماديه اللى انتى عرفاها ورغم كده استلفت واتدينت وشقيت عشان اعمل كل المحاولات اللى الدكاتره شاروا علينا بيها بس للاسف دون اى فايده اعمل ايه تانى
وعلى العموم حبه تكملي معانا يابنت الناس على الحاله دى هتكونى فى عنيه وعمري ما هاجى عليكى وهتفضلى انتى برضو ست البيت لانى انا بحبك برضو بس ما باليد حيله
مش حابه تفضلي على كده انتى حره انا ماقدرش اجبرك على حاجه ولا على عيشه مش حباها
انا نازل عشان اتأخرت على العروسه وأهلها