لم غصبوا عليا اشرب تعبت واغمى عليا وفضلت تعبانه اسبوع لكن عشان خاطرك هشرب لكن على شرط
بدا فهد يشعر انها صادقة ولكن هو من يومر هنا ويتشرط والا احد غيره وقال
انا محدش يتشرط عليا ولو مش عاوزه ابعت ل واحدة غيرك عادي
نظرت له بحزن وكشرت وقالت
انا مقصدش اشرط انا مين اصلا،انا واحده مغضوب،عليها من ربنا عشان رماها فى المكان ده وتصدق انت عندك حق،انا خايفه من ايه اموت ما انا بموت هنا الف موتى بالعكس ياريت فعلا اموت وارتاح من المكان ده وعارفه اني اي واحده تحت إشارة منك لكن ومسكت الكوبايه وشربتها مره واحده واكملت سمعت انك مختلف عن كل الا بيجوا هنا وكنت عشمانه لو قعده معاك ممكن تساعدنى اخرج وتم وضع كوب اخر لها
مسك ايدها فهد وقال
خلاص مصدقك متشربيش تاني واحكي لي انتى جيت هنا ازي
عاد فهد من تذكره وما بين نفسه قال
انا غبي ازى تصورت انها بتضحك علي وانها زى كل البنات اللي موجوده ايه اللي عملتوا فيك يا نغم
ارتفع صوته وهو يقول يا نغم
انتبه منه فارس وبيساله
مين نغم ده كمان اوعي تكوني وقعت في الحب عشان كده بقيت عاطفي
نظر له فهد بغضب
بص علي كويس ده شكل شخص يحب او يعيش قصة حب ومفيش بنت تستهال تنحب او تنفع للحب البنات يا صاحبي ٣ انواع بنت سهله ممكن تبيع جسمها عشان الفلوس، وبنت خائنة تكون معاك ومع غيرك، وبنت تمثل الحلال والشرف لحد ما تتجوزها واشرب يا عم النكد
ضحك فارس على وصفه للبنات وقال
اولا انت شاب وسيم والف بنت تتمناك لكن بسبب شغلك واتعملت مع النوعيات دي فاكر انهم كده لكن في نوعين نسيتهم البنت البريئة اللي هي فعلا كده حتى لو موجودة في الوحل هتفضل بريئة والنوع الاخيرة الزوجه العاشقة لزوجها والام الا بترعي اولادها ودول منهم كثير اوى يا فهد
….