كانت هبه ترتدى إسدال صلاة وحجاب فوق راسها نظرت له هبة وهى تسأله:
-انت بتقول ايه انا عندى اخت بجد ؟ رد عليا
شعر فارس انه اتسرع وقال:
_اسف جدا ماكنتش عايز الموضوع ده يزعلك أنا كنت فاكر انك عارفة
ابتسمت هبة مرة واحدة وقالت:
_ازعل ليه انا فرحانة جدا ،من زمان كان نفسي يكون عندى اخت مش عارفة اشكرك ازاى .
وبطيبة وبفرح منها جريت ضمت فارس ببراءة من فرحتها :
_شكرا جدا اجمل خبر سمعته في حياتي
عندما اقتربت منه وهى فى حضنه شعر ب احساس غريب لم يشعره من قبل خرجت من حضنه سريعا واستمرت تنط مثل الطفلة الصغيرة، انا عندى اخت وكمان اكبر منى يعنى يكون لي اخت ،اخدها فى حضنى ولما اكون مضايقة احكى معها، هى فين ونادت على ابوها وقالت:
انا ليا اخت يا بابا انا عندى اخت
انصدم محمد من كلام هبه وفرحتها وجاء نحوها وهو يسألها:
_خير يا بنتى ايه الكلام اللى بتقوليه دا
ابتسمت هبه وقالت:
_والله يا بابا دا حقيقي ماما كان ليها بنت اكيد حبيبتي تعبت من غير أمها وعانت ونزلت دمعه من عيونها وقالت:
_أنا عاوزة اشوف اختى هى فين واسمها ايه وعايشة ازاى وسعيدة واللا حزينه
ابتسم فارس على طفولتها وفرحتها واستعجب ازاى بس دى تكون اخت اسماء… حاسس ان ملك اخت هبه تمام ..اه ماانكرش ملك عندها بعض الحنكة غير هبة