زين. للاسف مش عارف اذا كان ميت ولا عايش ولا هي مطلقه ولا علي ذمته مش عارف مش عااارف حاجه
ماجد. باين عليها انها حويطه وحريصه جدا
زين. جدا بقالها كام سنه شغاله معايا بصراحه أدب واخلاق واحترام بس مش بتتكلم عن حياتها الشخصيه خالص وف البدايه اول
ماجت وقولتلها اني عاوز اتجوزها قالت انها متجوزه وحامل وانا احترمتها
ماجد. وهي فعلا متجوزه
زين. ايوا وخلفت ولد زي القمر
ماجد. ابتسم وقال وانت شوفته يعني
زين. ببتسامه قال طبعا دا عايش ف الشركه دا بيدخل المكاتب كلها والوحيد اللي بيمشي براحته وبدون استاذان
ماجد. هههههههههه
زين. هههههه صدقني مره كنت متعصب وكنت حاسس اني لو شوفت حد قداني هموته وف لحظه لقيته داخل عليا المكتب بتتسامته وبرائته
ماجد. عملت ايه
زين. ولا حاجه لفيت واخده وقعدت الاعبه ونسيت كل عصبيتي
ماجد. ابتسم وقال ربنا يحفظه وبعدين
زين. ولا حاجه مش عارف بقا اذا كانت زعلانه مع جوزها ولا مطلقه ولا ارمله المهم انها مش بتتكلم ولا عاوزه تتجوز دا اللي فهمته منها واحترامتها جدا
ماجد. بتحبها
زين. محبتش اتعلق بيها وهي مش ليا يا صاحبي مش ناقص وحع قلب تاني كفايه اللي حصل ف المره الاولي كل اللي بيني وبينها شغل
واخوه واحترام هي تستاهل كل خير ربنا يسعدها وبعدين قاله وانت مش ناوي تنسي بقا وتتجوز
ماجد. مش هتجوز غير مراتي وعيونه اتملت دموع وقال ظلمتها وجرحتها قوي واستاهل كل اللي يجرالي وعمري ما هسامح نفسي ابدا علي اللي عملته فيها