وبصلها وقالها عارف انه زعلك بس بردو بيحبك للاسف وانتي كمان واتنهد وقال اهدي دلوقتي وبعدين نتكلم
ديما. جدو انا خلاص معنديش غير اللي قولته
جدها. طيب يلا قومي نامي والصبح يحلها ربنا
ديما. تصبح علي خير حبيبي ودخلت وجدها كمان
في بيت ماجد
امه. قاعده علي نار واول ما دخل عليها قالت طبعا مرضيتش ترجع وخصوصا وهي شيفاك هتموت عليها كدا متتدلعش عليك ليه
للاسف انته اللي هتخليها تركبك وتتنطط عليك
ماجد. محدش له دعوه بينا
امه يعني ايه
ماجد. يعني حياتي انا ومراتي ومحدش يدخل فيها
امه. دا جزائي اني خايفه عليك ومش عاوزه حتة بت زي دي
ماجد. قاطعها وقال دي مراتي مش بت وكمان بحبها وهكمل معها ولو مش عجبك انا هسيب البيت واروح شقتنا اللي كنت مجهزها لينا
بقلم نور عصام
ابوه. اهدي يابني مش كدا روح نام وبعدين نتكلم وياريت تسيب مراتك تهدي شويه سيبها تاخد قرارها واوعي تظلمها ولا تيجي عليها كفايه عليها اللي شافته ف دنيتها متكملش عليها يا بني امها وابوها ماتو قدام عينها ف الحادثه وهي ف النهايه بنت متكسرهاش يابني