جدها. استغفر الله العظيم يارب حلها من عندك
عند ماجد
ماجد. قاعد قلقان ومش قادر يقعد من غيرها وهيتجنن ويكلمها قام وقف وغير هدومه ونزل
امه. شافته قالت رايح فين
ماجد. مردش عليها
امه. رايحلها صح يلا روح خليها تحس بضعفك قدامها وتتنطط عليك اكتر واكتر
ماجد. سابها ومشي بدون مايتكلم وبعد شويه وصل وخبط عالباب وطبعا خايف من مواجهة جدها
جدها. فتح الباب وبصله وما اتكلم ولكن نظرته كفيله تحرق قلبه مش بس توجعه
ماجد. قال انا عارف ان حضرتك ياجدو زعلان مني بس ارجوك اسمعني الاول
جدها. اتفضل وقفل الباب
ماجد. انا عارف طبعا انك زعلان مني ودا حقك بس كمان اعذرني انا بحبها ومقدرش اعيش من غيرها ريهام ودي ليها ظروفها اما داليا
جد ديما. بصله بقوه وقال اتجوزها وخلاص عجبتك بقا حبيتها رغبه لوقت وتنتهي دا حاجه تخصك مادام هي وافقت لكن ليه ليه تخدع غيرها ليه تضحك علي بنات الناس ليه تدمر واحده زي ديما عيله صغيره ملهاش اي تجارب ف الحياه انته اول راجل تميل له بقلم نور عصام برغم ظروفك تعرف انا مكنتش موافق عليك وحاولت اقنعها بس هي اصرت وانا محبتش ازعلها واكسر بخاطرها وخصوصا لما
لقيتها اتعلقت بيك وحبتك ودا اول حب ف حياتها يعني حبت من قلبها وبكل عواطفها سكت علشان كدا مكنتش اعرف انها هتعيش ف وهم كبير وتصحي منه تلاقي نفسها مطلقه بعد شهر
ماجد. مطلقه