ديما. خافت ان ماجد ياخد سيف منها وخصوصا انو ف بيته وامه ممكن تقصر عليه ف نفسها قالت لا مش ممكن ابدا وقامت وطلعت وهي هتتجنن
سلمي. ديما رايحه فين وبتجري كدا ليه
ديما. بدموع قالت سيف سيف
سلمي. بخضه مالو سيف ومسكت ايدها وقالت ديما اهدي وارمي الحمل اللي شيلاه لوحدك دا هو انا مش اختك وبحكيلك كل حاجه ديما انا عندي ثقه فيكي ملهاش حدود ليه انتي كمان مش بتعامليني كدا منكرش انك بتحبيني ووقفتي جنبي كتير وفعلا بحس باخوتك
ناحيتي بس
ديما. قاطعتها وقالت ماجد يبقي ابو سيف يا سلمي
سلمي. اييييه استاذ ماجد طليقك
ديما. انا عمري قولتلك اني مطلقه
سلمي. لأ
ديما. طيب ليه الغباء دا بقا
سلمي. بمرح قالت احنا هنغلط بقا ولا ايه
ديما. سلمي انا وماجد زعلنا ف بداية جوازنا وامه عاملتني بطريق وحشه وقسيت عليا قوي وانا متحملتش وسيبت البيت ومشيت وللاسف جدي مات تاني يوم وانا وقتها الدنيا كلها اتقفلت ف وشي كرهت نفسي وكرهت كل حاجه حوليا وبعدها فوقت واشتريت شقه
تانيه علشان محدش يعرف طريقي وخلفت ابني وعيشت انا وهو لوحدها من غير ضهر ولا سند بس كنت فاكره ان بكدا هرتاح لكن للاسف الماضي رجع ورجع معاه كل آلامه ووجعه ودموعها نزلت
سلمي. حضنتها وطبطبت عليها وقالت لا يا حبيبتي مش جايز الماضي رجع يعوض الوجع اللي راح ويبني احلام وسعاده جديده ليه