قرب منها رجعت لورا بخوف قال
– متتكررش مش معنى انى سببتك تستريحى يبقى تفتكرينى همشيكى على هواكى .. أنا لسا زى منا ناويلك الشر بس
بصتله بحنق وكره وغضب وهو واقف قدامها بعدين مشيت منغير متتكلم
– خمس دقايق وتكونى تحت عشان متاخرش على الشركه ورايا اجتماع
خرجت من الاوضه وهى مش طيقاه ولا طيقا نفسها
وصل يحي الشركه وكان قدام الاسانسير عشان يوصل لدور الى فى مكتبه
قال يحي – واقفه لى متدخلى
بصت روح للأسانسير قالت – هطلع على السلم
– أدخلى
– بس
قال بحده – سمعتى أنا قولت أى
دخلت وهى بعيده عنه بكتير استغرب يحي لا مكنتش عايزه تدخل
مد ايده عشان يدوس على رقم الدور
بعدت روح على الفور اول ما لقته أتحرك
بصلها يحي بإستغراب من رده فعلها وهو معملهاش حاجه اتنهد بعدين ضغط ووقف تانى
بصله لقاها بتصبب عرقا وصدرها بيعلو وينخفض
– م .. ماليش
– امال في اى
– ه.. هو ا .. اتأخر لى مش الدور الخامس
– ده لسا متحرك مالك بقولك
– بخاف من الأماكن الضيقه
وهنا وقف وفتح الباب خرجت روح قبله وكأنها مصدقت تخرج
خرج يحي وهو بيبصلها قال
– الفوبيه تعمل فيكى كده والاسانسير مش ضيق لدرجه عشان الخوف ده
– ممكن لو كنت لوحدى مكنتش هخاف لدرجه دى لانى دخلت اسانسير كتير
بصتله وكملت – ممكن لانك كنت معايا
بصلها وسكت زى أما يكون كان عارف أنه هو السبب فهل تخاف من حيث جمعهما مكان كادت أن تختنق لوجوده
مشي ببرود ومعلقش على كلامها
– هاتيلى ملف اجتماع انهارده